Make Mike A Millionaire

Den ‚American Dream' ass fir ganz vill Leit nët méi wéi eng Loftblos. E Grapp voll Individualisten packt et zwar effektiv ënnert di räich a schéin matt enger gudder Iddi an Ausdauer, mee et muss een agesinn dass esou Réussiten éischter d'Ausnahm sinn.

Esou ass et och nët verwonnerlech dass verschidde Leit opp ëmmer méi komesch Iddie kommen fir dat grousst Geld ze maachen. Di neisten Entdeckung ass den éischten Internet-Clochard. Säi Numm ass Mike, an am richtege Liewen ass et him bis ewell nët gutt ergaangen. Vu fréier Kandheet unn war en e begeeschterte Muséker, kennt sëch och extrem gutt matt Computer aus, mee weder mam Hobby nach am Beruff konnt en seng Dreem erfëllen. E souz eng Zäitchen ouni Aarbecht opp der Strooss, huet zimmlëch vill Scholde gemaach, an huet dunn zum läschte Mëttel gegraff: heesche goen. Opp sënger eegener Homepage rifft de Mann vu Miami d'Internet-Kommunautéit dozou opp himm finanziell ënnert d'Ärm ze gräifen. Seng Theorie ass: wa jiddereen him eng kleng Somme iwwerweist, a wann et och nëmmen een eenzegen Dollar ass, kéint hien am Endeffekt säi Misär iwwerwannen an deemno wéi esouguer räich ginn.

Seng Argumenter si guer nët esou schlecht : een Dollar respektiv Euro dee mer spenden deet kengem vun eis selwer wéi. De Mike leet den Accent och gären opp seng nët all ze roseg Vergaangenheet, no där hien eng agreabel Zukunft verdingt hätt, seet hien. Matt bis ewell iwwer 11000 Visiteuren kéint ee mengen dass de Mike schon e puer Mënz gesammelt hätt. Allerdengs sin déi 60.04 Dollar déi opp sengem Compte stinn nach nët iwwerzeegend. E wëll d'Millioun, an opp en déi effektiv erreecht wärt sëch matt der Zäit weisen.

Wann der iwregens nët einfach esou sënnlos Suen wëllt iwwerweisen, huet de Mike als Merci och e puer Gadget'en parat, déi ee kaafe kann. Vum T-Shirt iwwert d'Kaffistaass bis bei de Boxershort ass alles dobäi. A wann der nach zëcke sollt, da kuckt iech d'Löscht matt de Saachen unn déi de Mike sëch matt der Millioun wëll leeschten. Den deieren Auto ass hei genee esou e ‚must' wéi en Appartement bei der Plage.