De Stroossekënschtler Thomas Liberto, och bekannt ënnert dem Numm "Mr. Christmas Tree", huet fir skurril Momenter op de Stroossen zu NYC gesuergt.

Nee, d'Awunner vum Big Apple haten net ze déif an d'Glas gekuckt... En Donneschdeg ass effektiv e Chrëschtbeemchen duerch d'Stroosse vun der Milliounemetropol getrëppelt. Zanter 5 Joer ass et fir den Thomas Liberto Traditioun, sech kuerz viru Chrëschtdag ze verkleeden a frieme Leit mat sengem Kostüm e Laachen an d'Gesiicht ze zauberen.