Bis dohinner goufen et jo genuch Geleeënheeten, fir de Feierdagsshopping mat verkafsoppene Sonndeger an och enger Offer, déi mat neien Akafszentren nach zougeholl huet: fir d’Geschäftsleit deemno een Heemount.
Déi 4 Sonndeger viru Chrëschtdag waren d’Geschäfter fir d’Konsumenten op. An dës verkafsoppenen Deeg haten och dëst Joer nees Succès, ob elo d’Butteker op der grénger Wiss oder an der Stad Lëtzebuerg.
Um Geriicht hunn d’Büroe just bis 12 Auer op, wann een zum Beispill misst e Casier sichen goen. An der Stad an zu Dikrech ass awer tëscht 14 an 18 Auer eng Permanence ageriicht, fir Prozeduren, déi un Delaien gehal sinn.
Bei der Police bleiwen déi 12 grouss Regional-Kommissariater och d’Feierdeeg iwwer 24 Stonnen op 24 op.
Den ëffentlechen Transport ass um Dënschdeg den Owend u sech bis 20 Auer normal ënnerwee. Op Chrëschtdag an op Stiefesdag gëllt de Feierdagshoraire.
